#COP17: МОНГОЛ УЛС НОГООН САНХҮҮЖИЛТИЙН ХОЁР ТОМ ТҮНШЛЭЛИЙГ ЭХЛҮҮЛЛЭЭ
COP17-ын хүрээнд Монгол Улс Европын Хөрөнгө Оруулалтын Банк болон Дэлхийн Банк Групптэй байгаль хамгаалал, газрын нөхөн сэргээлт, тогтвортой эдийн засгийг дэмжих хоёр чухал түншлэлийг эхлүүлэв.
🟢200 сая евро хүртэл - Ойн тогтвортой менежмент
Европын Хөрөнгө Оруулалтын Банктай хамтран ой, доройтсон газрын нөхөн сэргээлт, био эдийн засаг, орон нутгийн ажлын байрыг дэмжих 200 сая евро хүртэлх санхүүжилтийн хөтөлбөр бүрдүүлэхээр зорьж байна.
🟢100 сая ам.доллар - SMILE хөтөлбөр
Дэлхийн Банк Групптэй хэрэгжүүлэх SMILE хөтөлбөрийн хүрээнд 100 сая ам.долларын холимог санхүүжилтийн боломж бүрдүүлж, газрын доройтлыг бууруулах, байгалийн нөөцийг нөхөн сэргээх, ногоон хөрөнгө оруулалт, тогтвортой ажлын байрыг нэмэгдүүлнэ.
Ерөнхий сайд Н.Учрал: “Байгальдаа оруулсан хөрөнгө оруулалт бол Монголын ирээдүйд оруулсан хөрөнгө оруулалт юм.” хэмээн онцоллоо. Ийнхүү COP17-ын хүрээнд бодлогын зорилтыг бодит хөрөнгө оруулалт, газрын нөхөн сэргээлт, орон нутгийн хөгжилтэй холбосон санхүүжилтийн түншлэлүүд эхэлж байна.
ХОЛБООТОЙ МЭДЭЭ
ЭРЧИМ ХҮЧНИЙ САЙД Б.НАЙДАЛАА: Ховд аймагт баригдаж буй Эрдэнэбүрэнгийн УСЦ төлөвлөгөөний дагуу ажил нь хурдацтай, сайн явж байна
БНХАУ-С ШАТАХУУН ТОГТВОРТОЙ, УРТ ХУГАЦААНД АВАХ ГЭРЭЭ ХИЙЖ, ГАЗРЫН ТОСНЫ ЭРЭЛ, ХАЙГУУЛЫГ ХАМТРАН ЭРЧИМЖҮҮЛЭХЭЭР ТОХИРОЛЦЖЭЭ
СЭТГЭГДЭЛ (0)